影片
更多
2022-08-27
812 浏览
几经波折终于揾到呢间开业一个月左右嘅小店（话晒都叫做黎过西营盘好几次但都仲系唔太记得点样行）本身出左去B1出口，行错左去第一街个边结果问番人先知原来西边街，下一条系正街，再下一条就系东边街了到我揾到东边街，结果只系见到单数号嘅店舖，原来双数又喺另一度......最后终于揾到了，老板娘好好人，佢话下次mtr可以喺A1出口转右行过黎会近D，同埋佢话今日多数D客人去晒坚尼地城个间little cove, grand opening后嘅第一个星期六日（好在我喺佢上星期soft opening已经帮衬左）橱窗放左多枝本地手工啤，不过本人唔饮酒所以冇叫全店唔算话有咩特别打卡位，相信较特别嘅系墙上面放左一个个架，摆左唔少餐具器皿仲有个叫做打卡位应该系我咁啱好彩坐紧嘅木梳化位，可以坐到两个人，一大一细嘅圆枱仲有樽花放喺度，影相啱晒今次我先试左甜品先，拣左baked rice pudding，原来系西班牙甜品老板娘话呢个系改良版，个甜品系焗嘅，有点似中式酒楼嘅焗荔芋西米布甸，米用左意大利米所以口感烟韧一点，上面放左带点微酸嘅橙片，平衡番布甸嘅甜度，再喺上面整左焦糖，口感又丰富左第一次食呢款甜品感觉唔错，
本身出左去B1出口，行错左去第一街个边
结果问番人先知原来西边街，下一条系正街，再下一条就系东边街了
到我揾到东边街，结果只系见到单数号嘅店舖，原来双数又喺另一度......
最后终于揾到了，老板娘好好人，佢话下次mtr可以喺A1出口转右行过黎会近D，同埋佢话今日多数D客人去晒坚尼地城个间little cove, grand opening后嘅第一个星期六日（好在我喺佢上星期soft opening已经帮衬左）
橱窗放左多枝本地手工啤，不过本人唔饮酒所以冇叫
全店唔算话有咩特别打卡位，相信较特别嘅系墙上面放左一个个架，摆左唔少餐具器皿
仲有个叫做打卡位应该系我咁啱好彩坐紧嘅木梳化位，可以坐到两个人，一大一细嘅圆枱仲有樽花放喺度，影相啱晒
今次我先试左甜品先，拣左baked rice pudding，原来系西班牙甜品老板娘话呢个系改良版，个甜品系焗嘅，有点似中式酒楼嘅焗荔芋西米布甸，米用左意大利米所以口感烟韧一点，上面放左带点微酸嘅橙片，平衡番布甸嘅甜度，再喺上面整左焦糖，口感又丰富左第一次食呢款甜品感觉唔错，赞！
咖啡就拣左Latte，但冇得拣豆只有nutty，较大众化D，后尾问番先知其实都有flat white, cappuccino，只系冇写出黎.......
下次应该会嗌番flat white，同埋一定要试下佢嘅主菜coffee carbonara（呢度主打都系手工意粉）老板娘亦告知会不定期转下餐牌，包括甜品，但都以手工意粉为主
张贴
