爽爽麵店

营业中

休息中

今日约咗朋友系元朗，经过凤攸街，见到爽爽面店门口好多人，原来系等位同等外卖，我心谂可能好好食，于是我哋都等埋一份。我哋等咗大约15分钟就有位。 舖头细细间大约有20个座位左右，等外卖的人比等位的人多。价钱唔平，一只新鲜醉鸡$430，冰鲜醉鸡$220我哋叫咗新鲜醉鸡伊面$65，猪扒河粉$45，一枝自制菊花茶$16菊花味道淡新鲜醉鸡伊面分开两碗上，首先我见到碗伊面嘅卖相已经知道唔会好食，汤底好清，无味，伊面唔够爽滑。醉鸡份量不多，唔够酒香味，好像加了很多水，酒浸得唔够耐，啲酒渗透唔到鸡肉里面。猪扒河粉，汤底一样淡而无味，河粉唔够滑，猪扒唔够味唔够淋。总结：这间小店主角系醉鸡同猪扒，应该要做得出色才是，但我觉得又贵又唔好食，唔明点解咁多人叫外卖，门口写明外卖要等45 分钟，我由等位到食完，佢哋做咗接近20 份外卖。真系唔明，可能大家要求同口味唔同，我唔觉得好食，我下次路过都唔会再帮衬。