鬼金棒

营业中

休息中

日本拉面多数人都会食到酱油同、盐味同豚骨呢D基本口味汤底，其实仲有好多出色又美味汤底或者比较少食到，要食到一碗出色嘅拉面最紧要汤底系整碗拉面灵魂，早排行开金马伦道见到呢间日本过江龙鬼金棒拉面店主打系辣麻味噌口味，又真系未食过呢款口味，一于同朋友一齐入去食番餐，餐牌上有八款不同口味嘅人气拉面，唔少得有追加配料同追加小碟提供，扫描个QR code 落单相当方便，点咗两款不同口味同追加配料我哋坐喺bar枱位可以望住师傅煮出美味嘅拉面，而且每碗拉面都会食到荳芽菜即煮即炒镬气十足，先来有呢款增量叉烧X2辣麻味噌拉面，追加埋味玉同玉米笋更加卖相十足之余𠮶阵麻香辣味特别香，先饮啖香浓又惹味汤底刺激一下味蕾再品尝呢件丰厚又肥美嘅叉烧，足足有玉米笋咁高，入口肉质软滑香嫰满口油香口感十足，再食啖沾满晒汤汁拉面特别滋味，另一款系特制辣麻味增拉面，追加埋玉米笋同增量叉烧，口味方面㸃了中辣、无麻，咁当然冇之前咁大碗但味道一样咁出色会越食越滋味又可以食到半熟味玉同爽甜荳芽菜，最后饮埋个汤底已经相当饱满咁又品尝一餐特色辣麻味噌日式拉面。