青花 (THE FOREST)

Book左台晚上8点几用餐，去到门口已经见到环境好靓。餐厅入面台同台之间都有白色板隔一隔，我哋被安排坐喺里面近玻璃门位置，坐得几舒服，台两旁仲有挂钩俾客人挂袋，非常细心。叫嘅野食卖相都好靓好吸引，小食拼盘有猪颈肉、鸡锤、鱼饼、虾球，仲有两个酱都好好味。饮品叫左蝶豆花奶盖同热情果梳打，两杯饮品都好靓，梳打自然fresh d，奶盖饮到后面我觉得奶味较重，可能我一开始冇完全搅匀，唔钟意奶味重嘅朋友要留意。东荫炸鸡翼好惹味，我本身唔系好食得辣，要拨走d辣椒片😂但系几好食。烤鸡斑兰青咖喱呢个配搭我第一次听，加左手抓饼一齐食岩岩好，佢本身都浓味带点咸，个人觉得配手抓饼/白饭都唔错。好彩佢冇东荫烤鸡翼咁辣🤤。食左阵隔离台黎左一对年纪大少少嘅夫妇，餐厅职员好耐心地介绍菜式同解答佢地嘅问题，临走经过出菜位仲见到有个好靓嘅生日蛋糕甜品，如果想庆祝生日可能都可以问下餐厅。