Mr. Steak Buffet à la minute (已搬遷) 新店位置

又黎食啦~ 我同好友差唔多每两个月就会黎MR STEAK 度食一次，因为我地都好喜欢佢既鹅肝。上次黎既时候店员认得我地系忠实FANS, 免费有一杯FREE DRINK 添! 今次端午节正日黎，人果然较平时既周六为多~我地之前都系BOOK 7点半果场，准时到都未试过好似今次咁要排大长龙~ 餐厅要差唔多7点7、8先放人入去...好彩都算入座得快。入到去坐低，由于生蚝同埋鱼生人太多，今次先食热食。热食有红酒烩牛尾、海南鸡、冬荫功海鲜等，款式唔多，味道一贯水准。烧物都好食，有天妇罗、烧螺 (唔太新鲜)、烧虾等，和牛今晚水准一般。食完热盘，番转头食冷盘。佢既烟三文鱼不嬲都好好味，今次都唔例外；仲有个南瓜蓉虾都唔错~食完之后，的起心肝去鱼生度排队~ 师傅比既三文鱼好夸张~ 好大块，大到要转弯先摆到，口感十足! 鲜味就一般...我食左两块已经好似平时食寿司既八块! 多得很~~跟住，就系我地既主菜─ 鹅肝!! 真系好~好~食~呀~~~ 每次黎既水准都系一致! 好好食~~~~ 以佢既价钱，我地都觉得好合理。可能人多既关系，今次被安排坐系两台既中间，有少少迫，同埋，讲野好应声，变左无乜机会谈心，只系食食