叉燒大王

营业中

休息中

好耐冇食过中菜，经过见到叉烧大王，就去试吓。好彩早去，见到人未算太多，唔驶等就有位坐，侍应好好人，一入去就已经问我地要咩茶，几好招呼。既然叫叉烧大王，嚟到就叫咗份叉烧试吓，好快就上菜，见到叉烧唔干身，有汁似啱啱烧起，食落热辣辣，叉烧肥瘦适中，咬落都好有肉汁，令我有啲惊喜，因为平时系街市买𠮶啲都好干，第一次食啲咁有肉汁，配白饭食好满足👍仲叫咗碟蜜薯牛仔粒，上菜时应该系啱啱炒起，见到出晒烟几有镬气，而且薯仔咬落仲好热，因为啱啱炒起食到有啲脆嘅感觉，用咗蜜糖黎炒甜甜地，配埋牛仔粒又几好食，牛仔粒有咬口，唔韧，配饭又系唔错。叫咗一碟海鲜，个人钟意食贝类，叫咗蒜蓉粉丝蒸蛏子，每碟有五只，每只都布满着粉丝同蒜蓉，粉丝食到海鲜鲜味，欣赏粉丝数量唔会太少，够蒜蓉可以钓到份鲜味出嚟，圣子都几大只，咬落啲肉好烟韧，但唔难咬开，最钟意食蒸海鲜因为会食到海鲜本身嘅鲜味。呢餐晚餐够满足，而且三份食物都几好食，下次会再嚟食吓其他菜式。