影片
更多
2012-08-30
619 浏览
今期有食神喇，无啦啦抽奖中咗盒Goossens Chocolatier精选比利时朱古力礼盒（9粒装），包装几得体，以一粒$22计，成盒嘢值成二百蚊架，一于拎番去跟同事分享吓！本身对依间品牌唔喺好熟悉，上网睇番先知喺比利时安特卫普一个品牌，原来都有近成60年历史，晌比利时都几家喻户晓，真系失觉晒！从官方网站得知，店家所售卖嘅朱古力分为8大类，我见有食家都写过，就无谓晌度重复再叙。礼盒中9粒朱古力，小弟试咗当中4粒，尽管讲吓个人食后感。TNT Blue (Ganache filling类)右上角蓝色花纹𠮶粒就喺喇，因为花纹图案几特别，第一粒就拣咗佢。外层系甘苦嘅黑朱古力，包住柔滑带点柠檬酸香嘅朱古力，味道几得意。Heart Dark (Cream filling类)盒里正中间𠮶粒，心形已经带有甜蜜之意，外层做得好圆滑。睇色泽就知，同样用咗黑朱古力做外层，中间系朱古力啡咖味嘅忌廉，内里仲有少少生果蓉，都几特别。Ginger (Ganache filling类)就喺Heart Dark右边，「金漆」印有店家名字。同TNT Blue好相似，因为都系同一类别，只系依粒主打用咗姜味，始终黑朱古力味几
本身对依间品牌唔喺好熟悉，上网睇番先知喺比利时安特卫普一个品牌，原来都有近成60年历史，晌比利时都几家喻户晓，真系失觉晒！从官方网站得知，店家所售卖嘅朱古力分为8大类，我见有食家都写过，就无谓晌度重复再叙。礼盒中9粒朱古力，小弟试咗当中4粒，尽管讲吓个人食后感。
TNT Blue (Ganache filling类)右上角蓝色花纹𠮶粒就喺喇，因为花纹图案几特别，第一粒就拣咗佢。外层系甘苦嘅黑朱古力，包住柔滑带点柠檬酸香嘅朱古力，味道几得意。
Heart Dark (Cream filling类)
盒里正中间𠮶粒，心形已经带有甜蜜之意，外层做得好圆滑。睇色泽就知，同样用咗黑朱古力做外层，中间系朱古力啡咖味嘅忌廉，内里仲有少少生果蓉，都几特别。
Ginger (Ganache filling类)
就喺Heart Dark右边，「金漆」印有店家名字。同TNT Blue好相似，因为都系同一类别，只系依粒主打用咗姜味，始终黑朱古力味几重，所以姜味比较隐约，都算喺唔错嘅。
Brabo (Ganache filling类)
最后试到嘅一粒，晌左下角有个「人仔」𠮶粒。牛奶朱古力搭黑朱古力，感觉喺大路啲嘅款式，但质感保持住柔滑。
其实，仲有Caramel filling、Truffle filling、Liquor依三类颇有兴趣，未知几时再有机会再试，但至少对依个品牌嘅手做朱古力印象唔错！
张贴
