Mashi No Mashi

营业中

休息中

反应两极嘅拉面闲日夜晚入去都要排5-10分钟先可以去部机买飞，好似日本咁，买咗飞先可以排队入座，舖头唔大，买完企系一边等好似chur 人快啲食完咁，又会阻住人岀入，但都好过企岀街无冷气咁等。大概等左10分钟左右，就轮到我哋入座了，叫咗一人一碗拉面 + 和牛饺子，咁就400 蚊了。上菜嘅时候师傅会大喝一句再递到你你手上，成件事好西式，而家都愈嚟愈兴咁样，有啲餐厅嘅绰头就系咁，不过香港人比较内敛，唔系个个都能够接受呢一个方法，好似我𠮶日去我都有少少俾佢吓亲，佢见到我个样都有啲惊所以有特登细声啲。食物质素嘅话就真系几两极，好似我觉得个饺子同个拉面都几好食，朋友就觉得好一般，可能系我本身钟意比较硬身嘅面，同埋呢一只味道嘅汤，我又觉得唔错，如果无咁贵会想再食多几次，但佢又啱嘅，有好多拉面舖都做得好食，但收费无咁贵，尤其佢觉得个和牛饺子要系好普通但好贵，我认同个饺子系煎得麻麻，个look, 但个馅料我有几钟意食㖞，但系真系有啲贵，事实系用食物质素去比嘅话，系overpriced 嘅。真心畀咁贵去食第二次嘅，应该都系想食碧咸食过嘅拉面系点，同埋感受一下师傅𠮶种热情。