和花亭壽司 (已結業)

和花亭装修完便去食下啦，同样地都系要等一段时间先可以有位，入到去到完全唔同哂，冇左回转寿司位，感觉同和民格局差唔多，野食其实同以前冇咩分别，都系一样咁小选择，来和花亭o既原因，系贪佢有厨师推介，每隔一段时间就会响钟 : 叮...叮...叮...，今日厨师推介系......推介5份，客人要就举手要，咁呢间和花亭就不停咁有待应、寿司师傅大声叫几多号台一份，一满左5份，就会再响钟 : 叮...叮...叮...!那时o既气氛好热闹，每台客人都会争相认购呢d厨师推介，因的确好抵，加上通常厨师推介，餐牌上系冇得order o既，所以一到呢个时候，好多客人都会特别期待(包括我在内)，但现在已经冇左呢个响钟o既厨师推介了，真系失色左好多，如果唔系为左呢样特别o既野，我就唔会去和花亭，皆因款式真系好小，我宁愿去板长la~~讲返我食过d咩先，叫左d寿司、刺身同炸蚝，但竟然最快上台o既系炸蚝，之后系刺身!刺身我叫左三款，油甘鱼、带子同三文鱼腩，都好新鲜，特别系三文鱼腩!整体o黎讲，味道都ok o既，不过寿司确实整得耐左d!