老闆娘雲南米線

营业中

休息中

今日星期五，啱啱好5:30之前去到， 5分钟已经入去啦。不过坐低就等咗45分钟，还好吧，已经做咗心理准备。叫咗碗麻酸辣粉配牛腩。order 之后已经后悔，自己其实唔系咁钟意酸辣粉配麻辣。 但系呢度繁忙，真系唔系几好意思改单，唯有啃咗佢。好有麻辣味，但有些苦涩。明白为何有些人会话苦。见到好多人都叫佢嘅炸物，不过我就唔系咁钟意食炸嘢。 呢度嘅配料唔算少，不过有好多都系炸嘢同埋佢啲特别嘢。就少咗啲平时应有嘅嘢例如腐皮，有啲可惜。碗嘢好多汤，我叫咗牛腩都起码有六七大嚿反而啲面同芽菜系少d，好够酸。整体其实觉得唔错，但又唔会特别想再嚟（even 唔需要排队都唔会特别想食）。可能叫错嘢吧。不过特别赞就系佢有无糖豆浆，啱晒而家钟意健康嘅人。