囍源古早蛋糕 (已結業)

好耐无写过食评啦！今次遇到比较特别嘅古早味蛋糕都想写吓。米妮早订左流心芝士🧀味（其实好想试榴梿，可惜取货当日无，话说款式日日不同，大家可以去社交平台睇有咩款）。囍源古早蛋糕系深水埗港铁站附近，同周边舖头有啲格格不入，尤其出面摊档俾人好杂乱嘅感觉，而囍源就好似别树一格咁，别致的骰🥰门口仲放埋蛋糕样板，好吸引😍可惜我收工去无蛋糕出炉，感受唔到果种扑鼻嘅香味😌讲返蛋糕，返屋企打开发现件蛋糕同样板相符，呀唔系，系样板同卖出嘅蛋糕一样咁大件咁靓，仲要好香，本身仔仔话要扮生日切蛋糕🎂，我谂住切少少试下先，试完就忍唔住再切多啲黎食，最后到仔仔影相剩返2/3😅 蛋糕好松软弹牙，浓香蛋味，芝士系好似一层酱咁夹系中间，食得出用左唔同款芝士制作，下半层有芝士味渗入，味道似日式芝士蛋糕，上半层就似原味蛋糕，一个蛋糕两款味道，真心唔错，但个人偏向钟意下半层多啲😋蛋糕边同底都无㶶，无苦涩味，食过就想encore！期待下次再试其他味！