阿里山 (逸酒店) (已結業)

早几日放工后，返屋企途中经过发现又有新舖开㖞，望一望舖名，原来系卖依家好兴嘅"古早味蛋糕". 之前我一直都好想食架啦，因为疫情关系，都唔会乱出街，尽量都留番系自己住呢区算，依家系屋企附近终于有间，谂都唔谂，寻日即刻出动去试！ 一去到就咁啱有新鲜出炉嘅"原味"古早蛋糕，即买！而呢度仲有好多其他口味，都几吸引㖞，不过第一次帮衬就一定系试原味，咁先可以试真d! 返到屋企已经急不及待试食，厚切上！蛋糕嘅蛋味浓郁，好香，蛋糕够湿润，唔系干净净𠮶种，好好味！ 盒上有写最好一日内食完，或放雪柜就三日内，但系咁好味，根本keep唔到咁耐啰！因为佢地每日都会整唔同味道嘅蛋糕，想知自己想食嘅味道有冇可以先打电话去问，或者上佢地嘅FB都会有资料，咁就唔使白行一趟啦~