九龍坎麻辣火鍋 (僑冠大廈) (已結業)

喺香港食正宗四川火锅🍲嘅选择唔多，北角呢间《九龙坎》就系其中一间。环境《九龙坎》嘅装潢非常之古色古香🥢好有宫廷风。而且呢度仲好干净（呢点真系好重要❗️），每枱亦好阔落，好够privacy!食物同一般嘅中式火锅唔同，餐厅主要系提供川式嘅汤底同火锅料，例如：成都麻辣汤底、牛蛙、鸭肠、脑花等等，呢d喺普通火锅店都未必食到。钟意❤️呢类型食物嘅朋友不妨可以一试😌我同妈妈就拣咗鸳鸯汤底 $116（轻成都麻辣 — 啱d唔系好接受到牛苏味嘅朋友 +野菌）、肥牛、章鱼🐙丸、豆腐串、红糖糍粑等。每样火锅料都好高质，尤其系个章鱼丸，好够弹牙，同埋里面系满满嘅章鱼，必叫😋食完之后，其实我哋已经饱到上心口。但食甜品绝对系另一个胃嚟嘅🤭所以我哋仲叫咗呢个色彩缤纷嘅冰粉，上面系山楂、火龙果、花生，健康又解渴😍呢度仲有两款雪山冰❄️🧊可以食，不过我哋实在太饱啦，下次一定要试！想拣一个舒适、干净、食物质素有保证嘅四川火锅店，《九龙坎》系一个非常好嘅选择。