東歐餐廳 (已搬遷) 新店位置

之前呢间餐厅出团购，就藉呢次机会试下特别嘅东欧菜。餐厅嘅位置都几隐蔽，如果唔系专登去都唔会留意到佢。一坐低就好兴奋，因为餐厅嘅装修真系好有异国风情，睇得出店主喺布置落左一番心机。 团购menu，每人包前菜(两款)，餐汤，主菜一款同甜品。首先系汤，我哋拣左乌克兰排骨汤同家乡烟肉马豆汤。乌克兰排骨汤好足料，但比较咸。烟肉豆汤同样足料，好浓郁嘅豆味同埋好香嘅烟肉味，而且佢虽然味浓但唔咸，我地都钟意呢款汤多啲。跟住到前菜，我地都拣左鱼子酱pancake做铁胆，跟住各拣左一款沙律。鱼子酱pancake嘅饼皮煎得软棉棉，饼皮带少少甜味，有蛋香，配搭pancake内淡淡嘅沙律馅，加上pancake上咸香嘅三文鱼子酱，真系好好味。两款沙律都好清新，而且沙律菜都好新鲜。前菜已经咁正，令我地有啲期待主菜。主菜我地拣左羊肩同埋牛腩，份量都几多，但卖相一般。味道同样都系一般，羊唔够骚，牛腩有啲韧，两款菜都偏咸，味道比较单一，冇咩调味技巧咁。主菜质素一般，比餐厅碟头饭高啲啦。最后到左甜品，可以拣雪糕或者俄国士多啤梨pancake，食过pancake返寻味嘅我地当然拣后者。Pancake皮依然好味，入面嘅果酱有原