影片
更多
2021-07-29
8467 浏览
一早PLAN好左今日早上带呀仔去整蛋糕👨🍳, 完成后到海底捞火锅午餐。觉得今日既经历好奇妙, 朝早整蛋糕既时候, 右手边两组客人讲日文🇯🇵, 左手边两组客人讲英文🇬🇧, 而黎到海底捞, 我念起码占左9成以上既客人都系讲国语🇨🇳, 令我觉得今日好似去左几个唔同既地方旅行咁。想食鸳鸯锅, 侍应教我地嗌四宫格 - 两格汤底, 两格清水🚰, 咁叫就最抵食。我地点左大骨汤底同蕃茄汤底 - 跟市面就可以买到的一包包海底捞火锅底料味道好似, 味精重。食材方面, 觉得比较好的是桂花蚌同粟米🌽, 用料尚算新鲜, 桂花蚌爽口, 粟米清甜。而肉类方面, 全部我都觉得唔好食, 芝士牛肉丸同芋香贡丸好厚粉, 一D都唔弹牙。美国雪花和牛有膻味。捞派滑牛肉的确系唔韧, 但就似系比梳打粉腌到无晒口感既𠮶种唔韧。另外, 仲嗌左响铃卷 - 唔脆, 鱼皮饺同乌冬 - 就系平时超市买到既货色, 相信佢地都系现成买返黎。然后仲加左每人$15自选饮料, 我要左酸梅汤 - 普通, 甜味重, 九龙城方荣记的酸梅汤好饮太多。之后, 店员送左一碗蒸蛋🥚同一个猪猪包比我地, 蒸蛋完全无味, 绝对系一DD盐或糖都无🙅🏻♀️加到落去。猪猪包
觉得今日既经历好奇妙, 朝早整蛋糕既时候, 右手边两组客人讲日文🇯🇵, 左手边两组客人讲英文🇬🇧, 而黎到海底捞, 我念起码占左9成以上既客人都系讲国语🇨🇳, 令我觉得今日好似去左几个唔同既地方旅行咁。
想食鸳鸯锅, 侍应教我地嗌四宫格 - 两格汤底, 两格清水🚰, 咁叫就最抵食。
我地点左大骨汤底同蕃茄汤底 - 跟市面就可以买到的一包包海底捞火锅底料味道好似, 味精重。
食材方面, 觉得比较好的是桂花蚌同粟米🌽, 用料尚算新鲜, 桂花蚌爽口, 粟米清甜。
而肉类方面, 全部我都觉得唔好食, 芝士牛肉丸同芋香贡丸好厚粉, 一D都唔弹牙。美国雪花和牛有膻味。捞派滑牛肉的确系唔韧, 但就似系比梳打粉腌到无晒口感既𠮶种唔韧。
另外, 仲嗌左响铃卷 - 唔脆, 鱼皮饺同乌冬 - 就系平时超市买到既货色, 相信佢地都系现成买返黎。
然后仲加左每人$15自选饮料, 我要左酸梅汤 - 普通, 甜味重, 九龙城方荣记的酸梅汤好饮太多。
之后, 店员送左一碗蒸蛋🥚同一个猪猪包比我地, 蒸蛋完全无味, 绝对系一DD盐或糖都无🙅🏻♀️加到落去。猪猪包似一件装饰多过食物, 应该摆左好耐, 层皮好干硬。
总结对海底捞火锅的评价, 跟我近期最爱的火锅随意门比较, 装修方面, 火锅随意门比较靓, 加上当日我地两个人坐六人座位当然舒适, 海底捞就3个人坐四人卡位也不错。服务方面, 不相伯仲, 好多食评都赞海底捞的服务, 但我并没有觉得特别好, 宜家好多香港小店的服务也很亲切, 我想是因为海底捞会送一些免费🆓的小礼物给客人吧。但其实一间餐厅最重要的还是食物(只要服务不是太差), 食物才是客人会回头的最主要因素。可惜海底捞火锅的食物质素实在太强差人意。
张贴
