太元樓

营业中

休息中

LUNCH TIME周不时会行过，见到佢个LUNCH MENU都几抵食但系都冇咩机会食，所以决定夜晚去食试一试佢!两个人点左六样野，逐样评价：咕噜肉： 酸味唔突出，成旧咕噜肉炸到好硬，感觉唔到食紧一旧肉，唔知系肉定炸粉咁硬！冇牙力嘅朋友千其唔好叫！我系咕噜肉fans，中餐厅有咕噜肉就一定会嗌，而呢间真系远低于酒楼茶记水准。差！！！！酸辣汤：好多酸辣汤都系酸而不辣，但系佢就辣而不酸，唯有加醋调味。不过胜在配料多，算系足料。上海排骨菜饭：菜饭系上海野既特色，呢碟真系极品！碟饭一睇就觉得唔对路，我未见过咁样既菜饭：白饭炒菜碎+云腿。所有野都系后期加埋一齐倒落炒一炒，完全冇菜同饭融合一体既感觉！排骨唔似新鲜炸，似一早炸定摆系到，有人叫就叮热比你咁，个皮口感似麦乐鸡。失望！！！小笼包: 皮薄多汤确实唔错，美中不足就系汤味唔浓糖醋小排骨: 放喺冷盘系列以为系冻食，点知系热嘅。小排骨炆得好入味，骨肉一咬就分离 。不过有啲小排骨骨多过肉冇野食。红枣心太软：总共有九粒，而且每一粒都系大大粒，食落好满足。落单冇叫佢迟啲上，侍应都识得打单"等叫起"，赞。但最后都系自己冇啦啦起左XDD 红枣配桂花蜜味道好衬！