白布烏冬 (荔枝角道) (已結業)

新开张时大排长龙，近来附近开了新的拉面店，即刻唔使排队就有位。选择主要分热汤乌冬﹑冷乌冬同沾乌冬。我就拣左茄子沾白布乌冬，唔包野饮$76。先讲白布乌冬，比想像中厚身同大块，进食有D论尽，除左形状特别之外好似无咩特别，咁大块食得去口感麻麻地。个汤无食平时食沾面既杰身，比较水，所以沾乌冬食都挂唔到汤，而且汤唔热唔冻咁，汤既味道比较咸，唯一可取就系旧茄子味道几好。整体觉得有点名过于实，为打卡黎一次就OK。另外有即食盒装可外卖拎走，不过自己煮一块块既乌冬唔知会唔会好有难度。