陶源中菜

营业中

休息中

经过几次见到个门面几靓又多人等位谂住去试一试，点知一试就知龙与凤。等咗一阵我们被安排入一间近大门口有四张枱嘅细房。一坐低就已经见到白色嘅枱布上有一挞茶渍。心知不妙，但一心谂住试一试呢度啲点心就算数。Order咗六个点心。然后有个阿姐接咗我哋张点心纸就问我哋几多号枱同埋问我哋落咗几多样点心，我哋覆咗佢之后佢隔咗一阵入返嚟再问第二次然后细细声话我哋点解唔写枱号（因为睇唔到写边个位）都算啦，第一样上台系鲍汁凤爪，完全唔热feel到系走晒全场最后先攞到过嚟，啲凤爪仲要系瘀瘀黑黑。味道就唔使讲啦😒之后仲精彩，传菜嘅阿姐原来都唔清楚枱号，拎住碟攞咗乜乜金奖「别有洞天鸳鸯肠」过隔离枱问有冇叫过，来回问咗几句（隔篱枱食客系冇戴口罩），之后发现系我哋嘅，仲要扮冇事即刻放低淋鼓油。最重要系传菜车上面除咗蒸笼有盖盖住D蒸点心之外其他厨点系冇盖盖住😳呢啲咁嘅时势作为一间咁大型嘅食肆完全冇卫生意识，真系难得一见。其他点心嘅味道就见仁见智啦。如果真系好想食点心的话佢唔会系唯一选择。