新星海鮮酒家 (已結業)

家人生日紧系去酒楼食小菜，老少咸宜。今次叫到成枱都系，但因为太好食😂今次食左芝士焗龙虾e面底，多汁多肉又够大份。首先佢个龙虾好弹牙，同埋又够大只，一个人一底都可以食到两三件龙虾，另外佢个e面底既芝士汁岩岩好，我好惊d芝士汁太浓太漏，但系呢个汁就无呢个问题，因为佢比一般芝士酱稀，好岩送面同送饭，因为易捞。同埋上枱既时候食物味道好香，加上够热，所以就食物新鲜同味道黎讲真系无得弹！之后亦都叫左个炸子鸡，皮脆肉嫰，只鸡本身唔以会太咸，但就更普重系香味方面，因为佢另外配左个酱油比我，可以自己adjust个咸味。佢只鸡炸得好脆，好香口，我觉得唔洗点酱油都好食。饱鱼仔都系我觉得唔错既一碟菜，因为佢处理得好好唔会有鲜味，同埋蒸得唔会太老，食落就好弹牙亦都好新鲜。同埋佢本身饱鱼仔够味又够鲜，我无点咩酱食都已经觉得好鲜甜，食返佢个原味系最好。虽然酒楼一定又嘈又多人，但系得呢d；地方既食物先够镬气。相比其他酒楼，我觉得呢到卫生程度已经比一般酒楼好，服务态度亦都好好，做野快之余得闲仲会同我地吹下水。虽然我坐既地方比较近厨房，但地下亦无污水或者垃圾，所以呢间酒楼既环境卫生同服务态度我都满意既!