居食屋「和民」 (已結業)

每日中午前都谂爆头午餐食乜好, 今日有同事建议去和民, 有人提出建议唔需要自己谂就最好不过, 为方便泊车, 选择了荃湾广场的分店, 十二点半到, 无乜人, 即时可入座, 到离开时都只是入座七成左右, 环境唔错, 地方大, 鲭鱼烧定食, 一放落枱, 闻到有D腥, 同事话好淡, 照烧蒜香鸡扒定食, 不过不失, 但薯条就唔脆, 其他都一般, 超级爱食刺生的我, 选择了刺生冷面&山盛香葱吞拿鱼寿司, 加埋一差不多成旧水的餐, 刺生薄薄, 片吞拿鱼仲要好似黑黑地咁, 以为冷面会有酱汁捞, 谁不知, 只系将冷面放入有少少味的所谓冻汤中, 一开始食, D刺身已经浸哂入D汤入面, 可想而知会有几好食, 吞拿鱼无乜味, 反而寿司饭可以一赞, 下次再去, 一定唔会再选择刺身餐了, 顺带一提, 点解D寿司鼓油可以咁咸!?