馬哥孛羅咖啡廳

错误book咗呢间餐厅嘅自助餐，一入门口已经知错咗，再睇埋啲环境同嘢食，就好明白点解佢咁容易就 book倒位。种类少，味道同质素差（我阿妈食倒佢一旧炸鱼系臭的），价钱贵。嘢食系一眼可以睇哂，基本你行两转，已经系唔想再出去拎冷热盘食， 因为冇一样嘢食系会令你想再食。甜品种类都系好少，但质素算唔差，但都系一两转就已经收手。 我成日都同屋企人去食自助午餐， 都试过好多间，呢间真系暂时最差嘅一间，同埋系食唔饱同唔满足嘅一间，根本系二百蚊都唔会想再去，更何况佢折埋再加埋长者优惠平均都要三百几蚊一位。以呢个价钱，可以揾倒更好。再加埋佢啲装修，非常古旧简陋。空间感系好够， 因为根本唔多客人， 但环境令人唔舒服，感觉一啲都唔似喺一间酒店，连基本嘅洗手间都系用商场个厕所。最好搅笑系当中有一个侍应，系连广东华都听唔明，净系识听普通话呢。今次经验真系好差呢！