川婆婆 (觀塘廣場)

营业中

休息中

近排想食辣，系观塘试左两间川菜店既水煮牛肉，今次试第三间，真系冇比较冇伤害。之前冇试过川婆婆其他分店，所以唔知系呢间分店定全线分店都系一样味道，只可以话呢间完全唔合乎我对「川菜」既要求。睇落虽然好似好大碗好丰富，望真d，d汁一睇就知冇乜辣椒味，花椒连个影都冇，牛肉白雪雪。食落口，d辣椒粉似公仔面既辣椒粉，牛肉好鞋唔入味。唯一特别处系有少少少少薯粉，可惜个汁得个辣字，唔香亦唔麻，白饭要另加$5，更加唔洗谂包饮品。佢唯一好在就脚，系工商厦区、近地铁又近大商场，不过真系可一不可再，宁愿食十二味平d环境又靓d，或者追求似川菜会行远d去辣尚瘾。