紅島冰廳

营业中

休息中

晚上9:25入到呢间茶餐厅，佢讲话10:00就打烊。接过餐牌之后，我哋都尽量配合快快脆脆就落单。侍应同我哋讲餐牌上面有乜嘢𩠌菜冇，咁我哋接着就问佢有冇越南河粉，佢话有。九秒九嗌咗两个越南粉加一个海南鸡饭，同一碟菜。等嘅期间有个员工不断逐围枱嗌，叫人俾咗钱先。真心讲已经好扰民。但系我哋都一样配合。之后碟菜嚟咗加埋两杯饮嘢，连菜都食完突然之间个侍应走来同我哋讲我哋三个主菜无哂（海南鸡，两个越南粉，通通都冇！）你谂吓当我哋连个炒菜都食完期间等嘅时间都应该有15分钟，佢先同我哋讲我哋嗌个主菜全部都冇哂😮。当时已经系9:45，佢间茶餐厅10:00就关门，当然侍应亦都冇建议我哋再可以嗌啲乜嘢食。其实香港而家嘅服务质素系咪真系沦陷到咁？所以有时真系唔好废噏闹人唔喺香港消费。当然最后佢退返钱俾我哋，仲话两杯嘢饮饮佢请我哋饮。系咪真系要同佢讲多谢？