影片
更多
2023-02-05
552 浏览
因为系第一次写食评，仲要系后补食评，所以未有图片，日后再食时会细心补上🙇🏻♂️首先，先讲餐厅外表卖相。作为一间日式烧肉店，佢既门面卖相系唔错，有神秘高格调既氛围，作为情侣/对象第一次既约会，绝对会比到对方一个好印象。其次，开口入去环境亦唔错，2人坐位都会系平排面坐，有助于情侣/密友私聊倾偈，加上，两人平排坐系有原因，后面会再讲。但呢到有一点要弹/或者系吹毛求疵，就系坐位下面有一个凸出嚟既抽风位，女仔著短裙要跨过有啲尴尬，虽不是大问题，但能改善更好。根据店员既解释，因为烧肉店用既系向下抽风，所以排气喉都系下面，未知其他坐位/包厢如何，可能会无呢个问题。其次到服务，呢间服务有水准，店员会主动解释餐牌内每个set，当你拣好左，店员会慢慢解释，仲会比啲推荐你，例如你想饮酒，佢仲会分析比你听唔同既酒点配，唔似只推荐啲利润高既比客人，有专业水准。到上菜时，店员会逐一介绍，训练有素，对每一碟都十分熟悉，但唔似机械化，证明有用心。而且，佢地仲会问客人想自己烧定佢地帮烧，正好比情侣/闺密倾住偈等食，所以，啲二人坐会平排坐，方便店员系对面帮你烧。当然，佢地烧惯烧熟，一定会比你自己烧专业，自然亦唔会烧失败。
首先，先讲餐厅外表卖相。作为一间日式烧肉店，佢既门面卖相系唔错，有神秘高格调既氛围，作为情侣/对象第一次既约会，绝对会比到对方一个好印象。其次，开口入去环境亦唔错，2人坐位都会系平排面坐，有助于情侣/密友私聊倾偈，加上，两人平排坐系有原因，后面会再讲。但呢到有一点要弹/或者系吹毛求疵，就系坐位下面有一个凸出嚟既抽风位，女仔著短裙要跨过有啲尴尬，虽不是大问题，但能改善更好。根据店员既解释，因为烧肉店用既系向下抽风，所以排气喉都系下面，未知其他坐位/包厢如何，可能会无呢个问题。
其次到服务，呢间服务有水准，店员会主动解释餐牌内每个set，当你拣好左，店员会慢慢解释，仲会比啲推荐你，例如你想饮酒，佢仲会分析比你听唔同既酒点配，唔似只推荐啲利润高既比客人，有专业水准。到上菜时，店员会逐一介绍，训练有素，对每一碟都十分熟悉，但唔似机械化，证明有用心。而且，佢地仲会问客人想自己烧定佢地帮烧，正好比情侣/闺密倾住偈等食，所以，啲二人坐会平排坐，方便店员系对面帮你烧。当然，佢地烧惯烧熟，一定会比你自己烧专业，自然亦唔会烧失败。
第三样到食物既卖相同质素。呢两样餐厅亦有高水准。第一次帮衬，多数会叫set去试。今次叫左$1830既set，质素绝对对得起价钱，再加一支$400多既清酒，整体都属高水准。对于食惯靓牛既都会满意，其中海胆生牛肉绝对系最高水平，入口即溶、油脂分布平均，配上海胆既甜度（因为过左一段时间，未肯定记忆中既系马粪海胆定日本海胆，但印象中外表颜色应该唔系马粪），呢个菜会宁人印象好深。
之后既火炙生牛肉片，用上A5西冷，亦系超水准表现，唯一要弹既系，细食既人/女性会觉得稍腻，会有半分饱既感觉。
讲返一开始既沙律、渍物、泡菜盘，其实都很高水准，不过始终比烧肉既水准比左下去。
到正式主菜特选和牛5部位烧肉拼盘，唔好睇佢只得5件，对于一般中份食量既人都会好饱，因为每件和牛既油脂都好高。如果选择店员服侍，佢会逐一讲解，每一件牛嚟自边个部位、油脂比例，会顺次序，由轻到重咁烧比你，并且，佢会等你慢慢食慢慢享受，等你食完一款、再慢慢烧下一款，唔会一口气猛咁烧好似好赶时间咁（呢部分既服务真系好加分）。如果同情侣去食，真系好加分（系对你唔系对个店员）
食完5件和牛，其实一般人都已经好油腻，但未饱肚，唔怕，佢仲有个和牛尾汤面。但因为当时我已经饱左，只系试左少少，加上饱左味觉敏感度下降，味道不能作准，故不作评论。
清酒🍶方面，因为人人口味唔同，但整体来说系几好，店员都有用心介绍，值得一赞，但因为过左段时间，所以不在此细谈。
来到最后一部分，当然系价钱。嚟得大坑食、仲要食烧肉，预左会贵，以$2000几食和牛烧肉，仲有好服侍，我觉得系超值，一世人点都要试下，感觉比你去食700蚊既日式烧肉放题/自助餐，嚟得化算。
一米也话斋，食几多著几多整定，但食得好唔好由你决定。今次我比9/10。
张贴