紫荊閣 (已結業)

星期日朝早谂住揾个舒舒服服既地方饮个茶，于是在黄埔众多选择中挑中了紫荆阁。十一点黎到尚无咩食客，被安排系两人位坐低。见到窗口位无人便要求调位，个叔叔一万个不耐烦话换啦！谂住好心执好台面野先过去，叔叔升级到十万个不耐烦话人过去得既喇！心中即时减分讲返野食，叫左个沙律明虾筒，样几靓，虾都够新鲜，不过沙律酱就太多，咬落好似食紧一旧沙律酱春卷，中伏。鲜虾菜苗饺，好淡味，个皮太黏，一笼3只无一只可以完整夹起，全部夹到烂晒。四宝滑鸡扎规规矩矩，都算足料，不过味道就有小小偏咸。最推荐古法马拉糕，够热够松化，又不会太甜，好食。最后4样野买单194（茶位费每位15），价钱真系唔平，咁既质素同service，呢个价钱好多选择。今次可以一试，之后唔会再黎。