名苑酒家

营业中

休息中

今日做吓孝顺女，同老爸去叹早茶，可能系假期关系，时间尚早，唔洗等位就直入坐低叫嘢食。脆皮䐁肉韮菜饺 🥟$26真系炸得几香脆，韮菜亦很香，可惜真系劲多油，一路食一路滴油。鲍鱼汁炆凤爪 🐓 $52呢个值得推介，凤爪够大只，炆得够入味，又够腍。个鲍汁味道亦很好，浓味得嚟又唔会太咸。鲜淮山百合炒西芹 🥗 $68呢碟淮山同百合都炒得够爽口，但d西芹真系唔得，有阵涩味，最后成碟食晒，剩返d西芹。海班件煲仔饭 🥘 $68鱼很新鲜，够肥美，食鱼一向嘴刁嘅老爸都赞d鱼好食。不过饭底落水太多(或者未够火喉，收唔到水)，食落太腍、太黏，失去煲仔饭嘅神髓，如果呢煲叫海班件蒸饭应该会更好。酒楼嚟讲，食物质素唔算十分好，但比起商场内另一酒楼，呢间叫做好好多。不过侍应唔多，我们坐位较入，要叫侍应唔太方便。