松屋日本料理 (已結業)

今日系结婚周年纪念，谂住同老婆去旺角食餐饭庆祝，左行右行都未谂到食乜，点知发现兆万中心楼上开咗间松屋既分店，咁就走上去试下喇～上去坐低发现环境原来都不错，比起尖沙咀个间光猛ｄ舒服ｄ，我地两个不停咁响度点ｄ野食，最好食既系佢既串烧，有烧鸡翼、烧鸡软骨同埋烧脆玉瓜，用黎送清酒真系一流，我都忍唔住叫咗两支。鱼生反而唔系食咗太多，我真系黎亲松屋都系食串烧，因为佢ｄ串烧真系有水准，下次都会考虑黎返旺角，始终交通都系方便ｄ。