一生懸麵

营业中

休息中

行到黎通菜街离远都已经见到佢大排长龙，不过都好快入得去坐底，叫左个樱花虾沾面，二郎祭拉面，加多个章鱼烧。认真拉面黎讲算麻麻，我嘅沾面系标准软硬，而男朋友个碗二郎拉面系软面，佢就用粗幼黎分软硬，但始终未够弹牙同挂汤。我嘅樱花虾沾面铺满樱花虾好香，但败在汤底未够杰身，就好似拉面将个汤分开咁，而面又唔挂汁，所以入口只系食到淡口嘅面味，要湿著D 面一齐入口先比较好少少。溏心蛋未算太流心，但可接受。不过汤底入面有几粒猪猪都几香口，唔错嘅。反而二郎拉面比较少见同特别，汤底好重蒜同椰菜味，但比较咸同重口味，而且系无蛋嘅。食完碗面个章鱼烧先到，章鱼烧表面太干身，入面配料不够，章鱼亦太细粒。食完口渴咗成晚，希望下次黎再做好d。