島中坊研

营业中

休息中

睇openrice长洲吸引嘅甜品铺真系好多。过左端午节平日到长洲一游，食完lunch都忍唔住要揾间甜品铺食下。呢间铺头平日室内都坐满人，今日阴天所以坐系铺头出面都唔觉得热，仲有少少海风吹过都几舒服。叫左个焦糖脆脆豆腐蛋卷同自家制松饼(开心果)套餐包饮品。甜品一上就令人心心眼，豆腐蛋卷cream好新鲜，慢慢品尝就食得出豆腐味，焦糖脆脆食落都觉得系即日整起。开心果松饼味道好浓厚，上面铺左粒粒开心果，外脆内湿润，再加上配左浓浓开心果芝士酱，$45连冻饮一杯性价比高，食落有惊喜，开心果控应该几钟意。