金陶軒 (已結業)

呢间位于童军总会嘅中菜厅，可能并唔系太多人知道，但自己几个月前跟女友嚟帮衬过，尚算OK，所以琴日就带阿爸阿妈嚟食...四个人加埋都叫咗唔少嘢 --- 蜜汁烧风鳝麻麻地，鳝虽然几新鲜，肉够弹牙，但烧得唔够焦，皮唔算太脆，最重要系碟底有太多汁，即系话D蜜汁并唔能够均匀黐响D鳝度，食味大减；皮蛋酸姜唔错，皮蛋有少许溏心，姜辣度刚好...招牌菜俪影红纱卷曾得美食大奖，查实系用越南米纸包住块牛肉，做成号角嘅形状，然后将一个混入牛肉粒嘅酱醮点而食。Presentation 一流，食味亦佳，稍嫌牛肉味不浓(可能D牛肉落咗松肉粉腌)，但总体嚟讲算唔错...潮式浸鱼肚味好清，汤落咗蚬仔同煲，有淡淡海鲜味，几好，可惜咸菜不够咸不够酸，失败...咖喱嚤啰骨--- 查实只系普通咖喱排骨，用上一字排，炆得几淰；咖喱汁一D都唔辣，净系有好大咲椰味，唔啱我口味，而且端上枱时碟𩠌冻冰冰嘅，大打折扣...金蒜糯米蟹饭--- 一大笼份量十足，食嚟食去都食唔晒。糯米饭睇落白雪雪，欠缺色水，但食落颇鲜，有蟹味；蟹系用大只花蟹，肉颇多，仲有少少糕添，几好；唯一要弹系金蒜落得太少...可以再嚟嘅...