影片
更多
2008-11-07
8 浏览
朋友同我庆祝生日，我当然要食至爱既意大利菜啦，听人讲呢间餐厅唔错，成日好多人喺门口排队，于是嚟试吓。之前打咗电话book枱，准时7:45去到，reception姐姐话啲人未交枱，要我地再等，好彩佢话有枱就打电话比我地，咁我地都可以周围行吓。等咗15分钟终于可以埋位，首先比咗啲面包比我地，唔知系咪好肚饿关系，都觉得ok，如果热既就仲好。我地叫咗呢3样嘢：1. 鲈鱼茴香有机糙米饭 – 鲈鱼好滑又够大件，糙米饭就好creamy，感觉似食紧意大利饭，但比较腻，食完就好饱。2. 大虾天使面 – 大虾好有炭烧味又唔会太干，天使面我不嬲麻麻地，但呢间就整得好好食，好香浓既茄汁又够弹牙。3. 意大利烟肉芝士牛肉汉堡 - 面包硬，牛肉太咸唔够juicy，烟肉太㶶同干完全食唔到，好彩薯条较厚身几好食，总括嚟讲我觉得麦记个至尊汉堡好食过佢。另外我觉得啲枱太细，3个人坐张细枱但张枱摆咗啲嘢食后加埋杯碟刀叉系超迫啰。总括嚟讲我就觉得食物普通，价钱又唔平，想食意大利菜下次去返Amaroni’s算啦。
之前打咗电话book枱，准时7:45去到，reception姐姐话啲人未交枱，要我地再等，好彩佢话有枱就打电话比我地，咁我地都可以周围行吓。
等咗15分钟终于可以埋位，首先比咗啲面包比我地，唔知系咪好肚饿关系，都觉得ok，如果热既就仲好。
我地叫咗呢3样嘢：
1. 鲈鱼茴香有机糙米饭 – 鲈鱼好滑又够大件，糙米饭就好creamy，感觉似食紧意大利饭，但比较腻，食完就好饱。
2. 大虾天使面 – 大虾好有炭烧味又唔会太干，天使面我不嬲麻麻地，但呢间就整得好好食，好香浓既茄汁又够弹牙。
3. 意大利烟肉芝士牛肉汉堡 - 面包硬，牛肉太咸唔够juicy，烟肉太㶶同干完全食唔到，好彩薯条较厚身几好食，总括嚟讲我觉得麦记个至尊汉堡好食过佢。
另外我觉得啲枱太细，3个人坐张细枱但张枱摆咗啲嘢食后加埋杯碟刀叉系超迫啰。总括嚟讲我就觉得食物普通，价钱又唔平，想食意大利菜下次去返Amaroni’s算啦。
张贴