WM Café & Bar (啟岸)

营业中

休息中

平时出街食饭都好少去cafe，一来大部分意粉都要过百蚊，二来唔少餐厅都有用餐时间、变相同朋友都好难倾耐啲😗呢间cafe价钱上相对平少少，位置都几阔落，有唔少人帮衬但唔会话排晒队，所以决定试吓😎餐汤我哋都拣咗龙虾忌廉汤，正正常常、冇话特别creamy或者重龙虾味，叫做可以过吓瘾🤣朋友要咗四色芝士焗烟斗粉($78)，一嚟到已经闻到超香芝士味，虽然唔似mac & cheese咁成盘都系酱，但捞起都有啲溶咗嘅芝士喺底👌🏻不过味道上真系偏淡，亦都冇𠮶种食到成口都系芝士嘅感觉，加上佢冇肉或者其他配料，食完嘅满足感唔算好高😛呢盘意粉焗过之后系几香，但如果好肚饿就真系嗌其他嘢食会好啲🙈我就要咗安格斯牛肉芝士汉堡配薯条 ($88)，因为见隔离枱个餐嘅包都好松软好厚身🤣摆盘都几靓、有几条菜做点缀，如果烧吓/焗吓块芝士会更好，唔系嘅话其实冇需要摆开上面块包，因为个人嚟讲冇焦香嘅芝士唔系太吸引🫣不过胜在个包真系好厚身好松软，表面有用足够嘅牛油煎香、咬落脆脆地，以现今嘅cafe嚟讲做到咁都几难得👍🏻牛肉肉味唔算浓，要斋食先食得出，同埋唔知系咪太薄所以食落唔觉得好juicy，而且面包咁厚好容易会吸晒啲汁，食落就更