裕記大飯店

营业中

休息中

深井裕记烧鹅，广告就听得多，今次都系第一次食。首先嗌咗半只炭烧烧鹅，上到黎好大份，可以想像到佢成只鹅有几大只。烧鹅嘅皮够脆，仲有一层皮下脂肪，但系鹅肉就冇想像中咁香，甚至有少少un，可能因为系厚切啦。另外我地嗌咗个酒酿鹅肝，一共有五大旧。个人觉得几好食，但系就略嫌唔系好入味，得外面果层有酒味。相反豉油王灼鹅双肠份量够多又入味，条条肠都好肥，如果中意嘅话就推荐大家试下，如果唔系好接受到太肥嘅嘢就唔建议嗌啦。我地仲嗌咗炸虾丸同椒盐豆腐，两样小菜都不过不失，冇乜特别。总括黎讲，可能系我期望太高，所以觉得啲嘢食冇想像中咁好食。下次再试下其他出名嘅菜式，或者会好好食呢。