新泰東南亞餐廳 (興旺閣)

营业中

休息中

呢间Sun Thai Restaurant 喺平时都见好多人排队，小弟都食过唔少次，身为普通嘅打工仔梗系食lunch sets 啦，今日就同大家介绍下佢。🍲椰香青柠海鲜海鲜汤粉丝 $75等咗好耐下先送到，一上枱椰香的确好浓，正唔正宗我就唔知，闻落好正咁。一食入口有阵酸酸地嘅味，应该系青柠，我钟意食酸，觉得好开胃。比咗好多粉丝，捞埋汤一齐食其实好正嘅，但无可能斋食汤粉架吗，可惜嘅系啲海鲜配料一般般，鱿鱼新鲜唔梅嘅，算系唯一亮点。仲有几只虾，虽然系爽身但唔知点解有啲腥。跟住就系啲鱼片蟹柳，唔驶讲都知系普通嘢。饱就一定饱，虽然个汤我钟竟，但抵食程度唔高，唔建议叫。☕️跟餐嘅热奶茶一般～🍖泰国街边猪肉串 跟餐加$28猪肉串本身甜甜哋，配送嘅啲酱汁要有啲辣，唔太啱我，整体普通唔觉得需要特登加$28去换🥘🍚星马咖哩鸡配白饭 $75今次系同事叫嘅，小弟之前都食过，感觉好好多，咖哩系偏甜果种，鸡肉多都算嫩滑，中伏机会低好多。总括而言，价钱喺湾仔嚟讲系算系平平哋，以我嘅经验拣配饭嘅餐会正常好多，食佢唔好对佢有太大期望就好了。谂唔到食咩食佢就啱。