影片
更多
2024-09-03
170 浏览
好耐冇食中菜啦！今晚同朋友去咗好近铜锣湾地铁站，位于铜锣湾广场二期6楼嘅餐厅。行到入去都几乎差唔多满座，好彩我哋得两个人仲有一张枱剩🤣🫖 坐低冇几耐姐姐就过嚟问我哋想饮咩茶，而一向钟意饮香片嘅我就直接ordered😎 由上茶壶𠮶阵就知道好讲究，下面会一直有个蜡烛热住啲茶，咁就唔怕成壶茶冻晒啦！基于一坐低未拣𩠌已经好口渴，劲快已经饮咗半壶，而佢哋会用一个好靓嘅铜色水壶refill，而且唔使特别嗌佢哋，观察力100分！🫖 基于我哋两个都好肚饿嘅关系就直接叫咗经理推荐嘅套餐🤩 🐷 蜜汁厚切黑毛猪经理介绍话佢哋系用西班牙黑毛猪整嘅叉烧，一上枱𠮶阵哗咗一声😦 因为佢真系劲厚望落去劲Juicy！肥瘦均匀得黎望落去好吸引，拎起只碟摸到个碟底系好热！唔似平时食𠮶啲叉烧最多暖暖地咁。嗱嗱声打完卡就食啦🐷，只可以讲呢个系必点！黑毛猪入口即溶，食落非常有层次，绝对有水准👏🏼 同朋友一人食咗两旧真系舔舔脷😻🥣 紫砂功夫炖汤食中餐又点可以唔饮汤呢！同茶壶一样个汤都系有蜡烛一直热住，一上枱我就已经即刻饮🤤 唔好睇佢细细兜但系好足料，清得来非常鲜甜，入边嘅鸡肉一啲都唔嚡👍🏼 朋友就钟意摊冻啲饮，佢话暖暖哋饮落都好舒
🫖 坐低冇几耐姐姐就过嚟问我哋想饮咩茶，而一向钟意饮香片嘅我就直接ordered😎 由上茶壶𠮶阵就知道好讲究，下面会一直有个蜡烛热住啲茶，咁就唔怕成壶茶冻晒啦！基于一坐低未拣𩠌已经好口渴，劲快已经饮咗半壶，而佢哋会用一个好靓嘅铜色水壶refill，而且唔使特别嗌佢哋，观察力100分！🫖
基于我哋两个都好肚饿嘅关系就直接叫咗经理推荐嘅套餐🤩
🐷 蜜汁厚切黑毛猪
经理介绍话佢哋系用西班牙黑毛猪整嘅叉烧，一上枱𠮶阵哗咗一声😦 因为佢真系劲厚望落去劲Juicy！肥瘦均匀得黎望落去好吸引，拎起只碟摸到个碟底系好热！唔似平时食𠮶啲叉烧最多暖暖地咁。嗱嗱声打完卡就食啦🐷，只可以讲呢个系必点！黑毛猪入口即溶，食落非常有层次，绝对有水准👏🏼 同朋友一人食咗两旧真系舔舔脷😻
🥣 紫砂功夫炖汤
食中餐又点可以唔饮汤呢！同茶壶一样个汤都系有蜡烛一直热住，一上枱我就已经即刻饮🤤 唔好睇佢细细兜但系好足料，清得来非常鲜甜，入边嘅鸡肉一啲都唔嚡👍🏼 朋友就钟意摊冻啲饮，佢话暖暖哋饮落都好舒服🤩
🐤 红烧乳鸽
呢个系朋友话一定要嘅🤣 份量绝对有诚意！皮薄肉厚，老实讲平时唔钟意食乳鸽嘅我都忍唔住食咗两旧😎 其他就比朋友清晒，佢对乳鸽有一定执着，证明有水准！
🐮 椒麻安格斯牛柳粒
上菜𠮶阵经理就问我哋要唔要录定段片打卡😂 因为佢哋个椒麻油系上枱即刻淋，然后咋咋声咁，啲香味即刻出晒嚟😻 牛柳食落去非常腍而且有少少椒麻嘅后劲，我好钟意！其他配菜都非常入味，钟意送饭嘅朋友唔可以错过😌
🍧杨枝甘露
本身已经食到九成饱，差啲唔记得咗仲有甜品😂 同朋友都拣咗杨枝甘露，份量都唔细㗎！而且入边好多芒果肉🥭，唔系出面食𠮶啲糖水咩料都冇🥲 系完美嘅收尾！必点😎
总括嚟讲呢度嘢食非常有水准，听到厨师有行出嚟同熟客倾偈讲话起码做咗十几二十年中菜厨师👏🏼 环境方面都相当舒服，唔会好似茶楼坐到好逼同埋好嘈，呢个好加分！以后有朋友想食中菜，又想坐耐啲嘅话一定会再encore😌👍🏼
张贴
