斯慕奇 (已結業)

今日在旺角行街既时候，非常之口痕，但食饱无耐，唔饿就买少少小食啦。见倒呢间泡芺店几多人，应该都唔差既。廿几蚊又唔贵，就买条泥试试。最钟意食朱古力，直接向朱古力系列进发。只想要朱味，唔要杂味，简左可可原味斯慕奇。即买即时吱mousse 。长条型泡芺，好适合旺角边行边食，绝对唔会论尽。外皮超酥脆，口感好正，但可可味既皮系苦。原味竟然唔系朱古力馅而系吉士，但唔系creamy果种，而系轻爽果只，好滑好味，但同我想像中好大落差。食完可以肯定既就系，原味一定好食好多，仲要悭番三蚊兼唔洗食苦既假朱古力味。