可可店 (聯威新樓)

营业中

休息中

夜晚系西环士美菲路同老友打完波，之后大家都肚饿，想食少少野医下肚，不过时间都稍为晏左，好多铺头都冇得食。 咁一路行到西环尾，见到好多港大学生入去食宵既可可店。 我之前都经过同成日听到人讲，但就未认真入去食过，然后就决定试一试。入到去见到好多港大生之外，亦都见到做完运动既人系度医肚。 睇完佢menu之后，发觉除左有糖水食之外，原来仲有各式各样既粉面饭，小食如煎肠粉，萝卜糕。 最尾我地叫左个芝麻糊同桑寄生蛋茶。芝麻糊好重芝麻味，又够杰又香又大碗。而个桑寄生蛋茶略带甜，药材味唔会好重，鸡蛋又滑又够大只。 正呀! 下次等个肚多d空间再试埋佢其他食物至得。