影片
更多
2014-06-10
1386 浏览
星期一 晨早就扑出上环 只为食以绿茶出名既川善茶居其实川善茶居是有得BOOK位既只系我地临时前一晚先话去所以就BOOK唔切所以各位去之前都可以book定个靓位先11点半我地就到达左(为左唔想等位) 成为果度既第1台客可能系闲日 其实冇乜人 到我地埋单 大约1点几2点 最多都系8成FULL人唔多 D客都好静 都系细细声倾下计咁 令到环境几舒服但果日果到系冇冷气 唔知系我地唔好彩定不嬲都冇虽然开晒门窗 但都有D焗(食食下途中 见有D大只佬黎送冷气 可能坏左送完老板仲醒左一人一杯MATCHA MOJITO(好似系) 俾佢地非常NICE~)川善茶居装修属中西合壁传统中国茶道装饰占多 再配一D欧陆式同CYBER STYLE 既家私十分唔统一 但又唔会太有违和感 几特式既中式拱门型既装饰架最吸引我 影左好多张相 食物方面咸食:1.) TEA CLUB SANDWICH $78SIZE大普通方包少少入面有生菜,蕃茄,蛋,芝士,鸡肉几好食 D芝士系炒埋入D蛋到 趁热食会有小小溶既状态芝士应该系用mozzarella 所以淡味D 大部分人岩食2.)BIG BREAKFAST $95同大部分BRUNCH差
其实川善茶居是有得BOOK位既
只系我地临时前一晚先话去所以就BOOK唔切
所以各位去之前都可以book定个靓位先
11点半我地就到达左(为左唔想等位) 成为果度既第1台客
可能系闲日 其实冇乜人 到我地埋单 大约1点几2点 最多都系8成FULL
人唔多 D客都好静 都系细细声倾下计咁 令到环境几舒服
但果日果到系冇冷气 唔知系我地唔好彩定不嬲都冇
虽然开晒门窗 但都有D焗
(食食下途中 见有D大只佬黎送冷气 可能坏左
送完老板仲醒左一人一杯MATCHA MOJITO(好似系) 俾佢地
非常NICE~)
川善茶居装修属中西合壁
传统中国茶道装饰占多 再配一D欧陆式同CYBER STYLE 既家私
十分唔统一 但又唔会太有违和感 几特式既
中式拱门型既装饰架最吸引我 影左好多张相
食物方面
咸食:
1.) TEA CLUB SANDWICH $78
SIZE大普通方包少少
入面有生菜,蕃茄,蛋,芝士,鸡肉
几好食 D芝士系炒埋入D蛋到 趁热食会有小小溶既状态
芝士应该系用mozzarella 所以淡味D 大部分人岩食
2.)BIG BREAKFAST $95同大部分BRUNCH差不多
(个人不嬲对呢款食物不感兴趣 觉得唔抵食 )
份BREAKFAST入面有蛋,蘑菇(炒得几香),斋午餐肉,蕃茄
沙律菜,豆腐(硬同实既,配左D沙律酱),
包(脆到似饼干,我比较钟意软身D既包)
甜食:1.)MATCHA CHOCOLATE FONDANT$78
好食!! 绿茶味非常浓,蛋糕亦做到外脆内软
雪糕都几滑既 (朋友话系雀巢既;P)
2.)MATCHA BROWNIE$78用铁板上是GIMMICK之一 作用(好似系)用黎保温
BROWNIE同心太软相比的话 蛋糕一定系较湿润
配埋淋落去既绿茶酱汁 非常香
加上铁板既效果令佢香味周围飘 十分吸引
呢2只相比我比较钟意心太软味道系浓D BROWNIE系柔和D
同埋外脆入软既蛋糕比较吸引我
3.) APPLE CAKE
一般般 试下OK的 质感似香蕉CAKE
苹果少少干
饮品:1.)MATCHA SNOWWHITE $48
MATCHA LATTE底加云呢拿雪糕
好难唔好饮既配搭
加上呢度既MATCHA制品真系几浓
所以十分推荐俾D钟意打安全牌既人
2.)MATCHA MOJITO $48平时做开COCKTAIL既MOJITO加左绿茶一样保持清新
比起平时饮 一入口系绿茶既苦涩 之后俾柠檬味冲淡
酸酸地咁 同时薄荷香味充满口腔
最后留系口系一阵阵茶香 非常岩我口味
但我既朋友表示好难饮~ 口味呢家野真系好难讲好唔好
如果平时有饮开MOJITO不妨试一试
3.)MATCHA SOUL $38望落似浓稠D既质地 事实上其实都系稀稀地既~
饮落有少少HONEY味 加埋一D杏仁既香味
杯野一D都唔甜 所以茶味重D
我觉得OK 唔讨厌杏仁可以试下
价钱以唔赶人既CAFE黎讲算合理 可以坐好耐但如果真系就咁黎为左食绿茶甜品 好食就几好食
不过其实系颇贵
总括而言,
绿茶同云呢拿系好朋友 非常MATCH
云呢拿会将绿茶既苦淡化 但唔会盖过个香味
咸食食一次就够 下次会净系叫甜点
想试试佢既MATCHA ANGEL CAKE~~
朋友话D甜品同个SNOW WHITE其实一样味
我谂都系既 都系绿茶配雪糕 唔同FORMAT见人姐
但个绿茶味既酱真系几正 大家可以谂下系咪真系要叫晒黎试
因为口味上实在系差不多
(朋友表示食到好滞口)
另外,有个日本侍应(我估系老板)
好好态度 同埋会半跪系度落单(!)
都几型仔
另外2, 店内有猫~唔钟意猫既人要谂下
不过只猫好乖同埋唔理人 应该唔会骚扰到客人
题外话/补充资料：
试下自己整左条VIDEO,大家都去睇下
除左可以睇下店面装修,食物都有影:)
http://youtu.be/SVhY0wRYoSU
(以上食记乃用户个人意见 , 并不代表OpenRice之观点。)
张贴
