影片
更多
2022-06-30
8916 浏览
好耐之前有听过其他人话Alva嘅自助餐唔错~今日一试,完全系开了我的眼界！自问都系一个几喜欢吃自助餐,而且又大食嘅人~但我喺呢度完全食唔饱,因为真系无乜嘢好食...先嚟当然系去排下生蚝排下鱼生寿司~可能因为第一转,所以都排成起码10分钟,不过睇到都觉得好一般...希灵鱼正正常常,但鲷鱼有点霉又有筋...生蚝又瘦又无味,食咗一round已经无再去拎了...然后试下啲沙律~正正常常嘢,感觉都算新鲜~熟食款式唔多,个烧牛肉可以一试~然后佢中间位置仲有啲炸嘢,天妇罗同埋串烧嘅摊位,但基本上永远都系吉嘅...个厨师仲要话: 唔好排啦,有排都未整好~虽然唔系话态度差,但嚟食自助餐,连热食咁基本都唔识先整定要翻热?有真系咁追求啲嘢一定要新鲜即制即放入客人个碟吗?我好好运咁拎过一次炸鱼,味道系唔错(起码系所有熟食中最正常),难怪常常有人喺摊位附近徘徊等出炉~最后去到甜品~无错,系有好多款嘅选择,仲有一大柜嘅蛋糕仔,但...又真系无一款吸引我!于我而言,自助餐嘅灵魂系甜品,就算唔系多款或款款都正,最起码俾一两款我会想无限encore嘅嘢~但sorry,真系无...我第一次拎已经唔太拎得落手,因为如图中放
今日一试,完全系开了我的眼界！
自问都系一个几喜欢吃自助餐,而且又大食嘅人~
但我喺呢度完全食唔饱,因为真系无乜嘢好食...
先嚟当然系去排下生蚝排下鱼生寿司~
可能因为第一转,所以都排成起码10分钟,不过睇到都觉得好一般...
希灵鱼正正常常,但鲷鱼有点霉又有筋...
生蚝又瘦又无味,食咗一round已经无再去拎了...
刺身&冷盘
76 浏览
3 赞好
0 留言
然后试下啲沙律~
正正常常嘢,感觉都算新鲜~
沙律
43 浏览
0 赞好
0 留言
熟食款式唔多,个烧牛肉可以一试~
然后佢中间位置仲有啲炸嘢,天妇罗同埋串烧嘅摊位,但基本上永远都系吉嘅...
个厨师仲要话: 唔好排啦,有排都未整好~
虽然唔系话态度差,但嚟食自助餐,连热食咁基本都唔识先整定要翻热?
有真系咁追求啲嘢一定要新鲜即制即放入客人个碟吗?
我好好运咁拎过一次炸鱼,味道系唔错(起码系所有熟食中最正常),难怪常常有人喺摊位附近徘徊等出炉~
熟食
79 浏览
0 赞好
0 留言
最后去到甜品~
无错,系有好多款嘅选择,仲有一大柜嘅蛋糕仔,但...又真系无一款吸引我!
于我而言,自助餐嘅灵魂系甜品,就算唔系多款或款款都正,最起码俾一两款我会想无限encore嘅嘢~
但sorry,真系无...我第一次拎已经唔太拎得落手,因为如图中放外边嘅cake,上面系有蚊滋仔食紧...
而喺雪柜入面嘅cake个样同啲古老饼店卖嘅款式类似,完全唔吸引我去夹...
甜品
109 浏览
2 赞好
0 留言
总括而言,今日食过最好食嘅系卤豆腐同埋乳鸽~
真系讲出嚟都以为自己今日系去食大牌档...
而且乳鸽仲要系一出炉就抢空,可见受欢迎程度(好食食物嘅欠缺程度)...
呢度环境都舒服嘅,望河嘅一边景观比较好,但我哋张台系望对面大厦...
而职员服务一般,好似好受委屈咁...
要扫安心哥个位又劲黑,我开个灯照下嚟扫,已经尽量灯头向下,但佢都好似啲明星俾狗仔队影相咁遮眼又皱眉...
我都知唔好意思,但其实系咪可以贴心啲,个牌上面整盏灯嚟打下光?
去其他酒店嘅呢啲牌都有盏灯咁向下射,甚至会有员工拎个电筒出嚟帮手照~
你无,ok,但我唔系想照住你,我都只系想扫个码入去食嘢啫,唔使咁不耐烦嘅...
所以,呢间自助餐真系完全唔推钱,浪费时间浪费金钱浪费我胃嘅空间...
张贴
