川莊

营业中

休息中

平时食谭仔大辣，汤底当清汤饮嘅我，今日就遇到挑战啦！ 其实今次系第二次帮衬呢间餐厅，但上次挑战人数得三个人， 使唔晒佢嘅推介菜式， 今日五个人就可以试尽晒！上次食水煮鱼超好食，今次试水煮牛，呢间餐厅用嘅系牛肩肉而唔系一般嘅滑牛， 牛味本身都比较出，再配埋辣而不咸嘅水煮法，非常入味！ 提提大家，叫呢一个水煮牛或者水煮鱼，每次可以选四个配菜， 红薯粉丶猪红系一定要叫，其他两个自己谂啦！ 辣度大概就系谭仔大辣多 50% !!全日嘅重头戏系辣椒虾，一碟得6只， 热辣辣放上枱即刻放一只入口， 第一啖咬落去劲热，再咬开始食到辣味， 食晒成只虾之后开始唔对路，个口简直系想喷火！ 饮咗半杯啤酒都帮唔到手，辣度大概系谭仔大辣嘅 10倍！ 食完只虾系休息咗五分钟先可以开始食其他嘢。。。 但过咗十几分钟再食净番果只虾，辣度竟然急速急降至谭仔中辣，所以叫完咬咗一啖食唔落去嘅人，应该等十几分钟先再食！另一必食推介系鸡翼， 鸡翼会配四款辣椒粉，上枱后由客人自己选择， 芝士鸡翼好香丶紫薯就好香口，基本上六只都非常唔错。