憶食尚臘味煲仔飯

营业中

休息中

連餐廳名都有煲仔飯三個字，果然係招牌！連臘味都係自家工場生產，嚴選食材😼 慢工出細貨，煲仔飯製作需時約20分鐘，上菜時由店員加上醬汁同撈飯，調味份量啱啱好😍 ✨港式臘味煲仔飯 $177臘腸入口甘香，醬油唔會太甜。靈魂係米飯，粒粒分明，油潤感恰好，口感極佳！每啖飯都充滿臘味同蔥香，令人一口接一口，完全冇膩感🤤 雖然價錢比坊間煲仔飯貴，但味道確實幾出色！✨甜蜜咕嚕肉 $127一拎起舊咕嚕肉，牽絲效果出色，甜甜而且啖啖肉。✨四季豆乾煸雞髀菇 $127蔬菜口感較軟，香辣同重口味之選。✨芒果特飲 $38特飲清爽而不甜膩，適合炎炎夏日。