Pici

营业中

休息中

呢间野近排都好Hit，平日如果冇book位嘅话排队排到傻。咁啱呢排好多示威游行，所以唔使排队，又见行过就入去试吓。本身超钟意佢个装修，出边𠮶个座位半开放式，感觉好chill。另外楼底够高，加埋啲家私有啲复古风味，灯光唔会太光唔会太暗，整体感觉都好舒服。要讲佢啲嘢食，就不得不提佢最出名嘅每日新鲜手做手工意粉，开放式厨房，一班鬼仔师傅喺吧头𠮶度新鲜准备，务求令你睇到成个制作过程。佢个餐单10分简单，得大约八种佢哋嘅Signature意粉，啱晒有选择困难症嘅各位。我叫咗个松露汁意粉，未食已经闻到劲香嘅松露味道。食落口口感一流，软硬度啱啱好，爽快弹牙，正！另外在叫咗个意大利手工肉丸子，个番茄汁味道啱啱好，唔会太酸，食落口啖啖肉汁，啱晒作为食肉动物嘅我lol另外饮品方面点左佢本身嘅House White, 价钱合理，一旧水有找⋯ 论环境嚟计，当酒吧入去饮杯嘢同朋友倾吓计，都非常唔错。