屋喔 (已結業)

香港食正统台湾菜价格都颇高, 偶然之下得知屋喔提供台式fusion菜, 价格亲民, 是日相约好友于上环饭聚.屋喔位于横街, 有室外坐, 室内都分两层, 比较少见.屋喔菜式价钱唔贵, 份量比较小巧, 可以多叫几款小菜分嚟食.见到餐牌有糖芯蛋一定要叫嚟食, 糖芯蛋有两只切半, 外皮卤得上色, 有少少咸, 入面蛋黄展现出糖芯状态, 蛋黄软软黏稠蛋味香浓.屋喔牛肉面有几块厚切牛肉连少少筋牛味香浓又有弹性. 配菜有雪菜小棠菜白萝卜红萝卜, 配上曲曲粗身面条好有台湾风味.黑松露野菌蚵仔炖饭系fusion菜式, 黑松露野菌加上芝士碎令炖饭食落好creamy, 蚵仔同成个饭好配合味道好夹.鲜菇鱼汤时蔬系草菇杞子娃娃菜, 娃娃菜吸收鱼汤鲜甜味清清地好易入口.凤梨苹果盐水鸡用鸡脾切块嫩滑好肉地, 盐水入味, 凤梨苹果清爽同盐水鸡好夹.蒜香炸鸡翼size好大只, 外皮蒜味香又脆口, 内里好好肉地, 不过蒜味入唔到啲鸡肉.三杯大虾用三杯鸡方法煮, 大虾已开边肉质爽口弹牙仲有少少膏, 加上香浓煮法好冶味, 碟底有粒粒蒜子爽甜香口.当日因为窝夫机坏咗冇机会试窝夫, 转叫法式焦糖炖蛋, 焦糖比较硬但唔影响法式炖蛋味