蝦棧 (已搬遷) 新店位置

一入到呢间餐厅，就见到好有台湾风味既装修，而且有一个大鱼缸养住鱼同大头虾，全部都眼仔碌碌好生猛。餐牌上就推介唔同口味的虾煲，叫左个港式限定既避风塘虾。黎到真系好惊喜，只只虾都有手掌咁大，肉质好厚同爽，配埋炸蒜同少少辣相当之惹味。虾头入面仲有好多膏，啜左两三啖都仲有！仲有叫左厨师推介既火焰雪山焗鲜鱼，一开始唔明咩叫火焰雪山，因为好奇先order。上到菜原来会系鱼上面点火，真系好似食火焰雪山咁。焗鱼系偏泰式风味，鱼肉好滑配埋香芧、青柠，感觉好fresh。而且条鱼都好大条，如果一家四口黎食都够！另外仲叫左个生烧海花螺，呢个食落唔似一般白烚既螺，面头有d 焦脆既口感。另外仲叫左碟油麦菜，其他菜既款式都几特别，有羽衣甘蓝同之前好多人介绍过既冰菜。本身冇expect油麦菜都咁有心思，系用左鱼干同鱼汤去煮，而且食落全部都系菜比较嫩既位，可见用心。对虾栈十分之满意，环境好干净，而且食物系用心制作，适合两个人或者系一家人黎食！