影片
更多
2024-09-22
1442 浏览
今日去開旺角，就去試吓呢一間台灣過江龍聽講呢間嘢喺台灣都好出名，一年可以賣到900萬鍋，而呢間係佢哋海外首店，都想試咗好耐！佢哋嘅套餐都好抵食，套餐附湯底＋主食＋任食33款蔬食自助吧100分鐘＋飲料＋甜點都係$165起！一入到去見到個自助蔬菜區，都幾驚訝， 款式真係好多，仲有蝦滑、米血糕、甜不辣等特色小食，而醬料區當然都唔輸蝕，當中我哋最鍾意佢嘅招牌香醋醬同柑桔和風露，兩款都好有特色！呢度嘅鍋係1️⃣先揀湯底，然後2️⃣再揀主食第一鍋我哋叫咗「鎮店招牌石頭湯」（+$22），入面好足料，各類配料都有（蝦、乾貝、魷魚乾等等），而且味道好濃郁甘香！主食就叫咗「海陸總匯鍋」（$380）已包120g 板腱牛、雪花豬或者草原羊，呢款真係好抵食，本身海鮮已經好多，再加埋一碟肉！海鮮方面，有綜合生魚片、大蝦、蜆、蠔等等，好鮮美！三款生魚片都各有特色，我最鍾意食三文魚，魚肉厚實得嚟，魚味又好香濃！而其他海鮮都一樣鮮味十足！而板腱牛份量都唔少，幾有咬口，淥一淥陣陣牛味滲出，喺口腔內蔓延第二鍋嘅湯底揀咗「松露燦金雞湯」（$32）入面本身已經有雞腿肉，好入味，而湯底就有好香嘅松露味，濃郁得嚟又可口呢個鍋嘅主食就叫咗梅
聽講呢間嘢喺台灣都好出名，一年可以賣到900萬鍋，
而呢間係佢哋海外首店，都想試咗好耐！
佢哋嘅套餐都好抵食，
套餐附湯底＋主食＋任食33款蔬食自助吧100分鐘＋飲料＋甜點都係$165起！
一入到去見到個自助蔬菜區，都幾驚訝，
款式真係好多，仲有蝦滑、米血糕、甜不辣等特色小食，
而醬料區當然都唔輸蝕，當中我哋最鍾意佢嘅
招牌香醋醬同柑桔和風露，兩款都好有特色！
呢度嘅鍋係1️⃣先揀湯底，然後2️⃣再揀主食
第一鍋我哋叫咗「鎮店招牌石頭湯」（+$22），
入面好足料，各類配料都有（蝦、乾貝、魷魚乾等等），
而且味道好濃郁甘香！
主食就叫咗「海陸總匯鍋」（$380）
已包120g 板腱牛、雪花豬或者草原羊，
呢款真係好抵食，本身海鮮已經好多，再加埋一碟肉！
海鮮方面，有綜合生魚片、大蝦、蜆、蠔等等，
好鮮美！三款生魚片都各有特色，
我最鍾意食三文魚，魚肉厚實得嚟，魚味又好香濃！
而其他海鮮都一樣鮮味十足！
而板腱牛份量都唔少，幾有咬口，
淥一淥陣陣牛味滲出，喺口腔內蔓延
第二鍋嘅湯底揀咗「松露燦金雞湯」（$32）
入面本身已經有雞腿肉，好入味，
而湯底就有好香嘅松露味，濃郁得嚟又可口
呢個鍋嘅主食就叫咗梅花豬肉鍋（$180）
呢款肉都係120g，薄切肥瘦均勻，唔使醮醬已經好有鮮味，
好有豬肉香！同個黑松露鍋都好配，又Juicy又有驚喜！
3️⃣飯麵
今日冇曬傳說中好好食嘅蟹膏拌飯
就叫咗一客雞蛋同埋一客烏冬
烏冬粗身實淨，而雞蛋用嚟蘸牛肉就真係一流！
4️⃣飲品
阿里山烏龍冷泡茶（無糖）
好清香嘅烏龍茶，解膩一流
港式奶茶，甜度固定
呢款似台式奶茶多啲，奶香味十足
5️⃣甜品
黑糖白玉奶凍配焦糖爆谷
賣相好靚！白玉奶凍較清甜，加埋好足味嘅配料，
食落個配搭都幾好
焦糖燉蛋
呢款味道較重，燉蛋本身味道濃郁，加埋脆焦糖就更加正
佢地平日仲有午市主餐＋自助吧任食100分鐘
最平$88！真係好值得一試
张贴
