小王牛肉麵 (已結業)

之前去完台湾，念念不忘台湾既牛肉面。返黎香港，口痕既时候，就走去近年先开既小王牛肉面，顶一顶下个台湾瘾。呢间系说是正宗的台湾牛肉面专问店。以写纸仔形式落单。除咗牛肉面，其他款式都好多。讲明系要顶台湾瘾，当然系要黎食返个招牌牛肉面。就算系牛肉面，呢度都有分几种。有半筋半腩、都有全腩等等。咁我就当然食返个半筋半腩啦。份量都还OK，与价钱相比，都算相宜。个汤，很有台湾感，不会太咸，也算不错，值得一赞。仲有，筋部份唔会好肥，所以个汤唔会油笠笠的。筋很弹牙，而腩肉部份，系用上牛𦟌的腩位。中间有著Juicy的筋在中间，腩肉很松化软腍。牛味浓郁，入口半化。以香港黎讲，食到台湾味的牛肉面，很不错了！