嘆撈

营业中

休息中

虽然唔系住屯门，但系屯门有价格相宜嘅新界菜，亦有唔少心仪嘅餐厅，所以时不时都会入屯门。今次就试吓呢间小店：大盛叹捞 $69一甘枱呢个好丰富，手撕鸡、猪颈肉、牛柏叶、鹿茸菇、木耳，每项𩠌菜都有少少，而且煮得几软腍。调味亦恰到好处，我叫咗少少辣，另外带少少麻香。几好食，如果夏天食会更加清凉🫶🏻。自选：凉皮+手撕鸡叹捞 $42手撕鸡几软滑，不过凉皮唔算滑，但够阔身，捞埋啲汁料几惹味。每份叹捞都有炸花生、青瓜丝、炸黄豆、芫荽、芝麻，令整碗凉皮更具口感、层次都提升唔少。柠檬爱玉 +$14爱玉以星星碗上，几可爱。酸甜适中，都几清新，大热天时嘅话，可以一试。自家龙眼水 +$12龙眼水内嘅龙眼都几多，啖啖肉。而且唔甜，感觉几健康。整体调味唔错，不过店内环境一般，要有心理准备。