尚越 (已結業)

好耐无来过置富food court食野，今晚就自己一个来左食晚饭。行左成个food court，最后简左最入嘅呢间越南餐厅。虽然系越南餐厅，但呢度除左有一般越南菜例如牛肉河、捞檬之外，仲有叻沙、咖喱之类。我简左个叻沙河粉，包埋野饮$40，晚餐来讲算系好抵。份量方面，都几大碗，有三粒鱼蛋、三块鱼片同两件豆卜同半只蛋。个叻沙汤闻落唔算好香，食落叻沙个种嘅味道都几浓，有少少辣味。鱼蛋质感偏向实身，鱼片同豆卜都普普通通。河粉偏短、而且几易断。呢个叻沙河粉味道尚可接受，$40价钱算系咁，不过不失。