影片
更多
2019-06-27
119 浏览
铜锣湾登龙街嘅新兴食肆大厦《V point》， 有好多唔同种类嘅餐厅， 大部分嘅餐厅都位于高层， 所以可以居高临下， 远眺铜锣湾嘅市景。今次就带住父母嚟食呢度食上海菜， 呢一间名为《豫园》嘅中菜厅， 位于26楼。 餐厅装修甚有风格， 好容易就俾墙上彩色缤纷嘅壁画所吸引， 而且更有落地大玻璃， 晚饭嘅时候可以望到落霞或者醉人嘅夜景， 令人感觉相当享受。呢度嘅食物质素相当高， 每款都可以食得出师傅嘅精湛厨艺。首先来一个冷盘《无锡脆鳝》， 呢一度菜式相当有历史， 系清末民初时候设宴嘅不二之选， 大厨将鳝炸得甘香酥脆， 入口卜卜脆， 非常之香口。 炸好后喺外面加入咗甜甜酸酸嘅香醋汁嚟炒， 酸酸甜甜嘅味道令人更加开胃， 中和左炸鳝𠮶份油腻感， 加埋上面嘅姜丝一齐嚟食， 更加醒胃。另外叫咗一道非常出名嘅苏州菜《富贵火舫》，将咸香嘅金华火腿， 加入桂花蜜反覆蒸煮数小时，令蜜糖和桂花香气渗入金华火腿薄片之中， 桂花蜜嘅香甜和金华火腿嘅咸香非常匹配，再加入腐皮薄脆以及青瓜片， 用热辣辣又软熟嘅包子夹住嚟食， 口感和味道层次十足。《豫园小笼包》一定系必食推介， 秉承咗上海南翔小笼包嘅美誉， 皮薄多汁、馅料
今次就带住父母嚟食呢度食上海菜， 呢一间名为《豫园》嘅中菜厅， 位于26楼。 餐厅装修甚有风格， 好容易就俾墙上彩色缤纷嘅壁画所吸引， 而且更有落地大玻璃， 晚饭嘅时候可以望到落霞或者醉人嘅夜景， 令人感觉相当享受。
呢度嘅食物质素相当高， 每款都可以食得出师傅嘅精湛厨艺。
首先来一个冷盘《无锡脆鳝》， 呢一度菜式相当有历史， 系清末民初时候设宴嘅不二之选， 大厨将鳝炸得甘香酥脆， 入口卜卜脆， 非常之香口。 炸好后喺外面加入咗甜甜酸酸嘅香醋汁嚟炒， 酸酸甜甜嘅味道令人更加开胃， 中和左炸鳝𠮶份油腻感， 加埋上面嘅姜丝一齐嚟食， 更加醒胃。
另外叫咗一道非常出名嘅苏州菜《富贵火舫》，将咸香嘅金华火腿， 加入桂花蜜反覆蒸煮数小时，令蜜糖和桂花香气渗入金华火腿薄片之中， 桂花蜜嘅香甜和金华火腿嘅咸香非常匹配，再加入腐皮薄脆以及青瓜片， 用热辣辣又软熟嘅包子夹住嚟食， 口感和味道层次十足。
《豫园小笼包》一定系必食推介， 秉承咗上海南翔小笼包嘅美誉， 皮薄多汁、馅料多。 喺新鲜嘅猪肉入面加入咗美味嘅汤汁， 入口汤汁瞬间爆发， 汤汁带有肉香而且鲜甜美味， 里面嘅猪肉馅料非常饱满， 可谓皮薄馅靓。 加埋香醋同埋惹味嘅姜丝， 令味道更上一层楼。
另外亦都有多款嘅时令菜式， 呢一味《龙须鲜鱼丝》， 可以话系食出刀功， 苏杭菜讲求刀功， 大厨将桂鱼去皮起骨， 再将鱼肉切成幼丝， 再用非常简单嘅调味去炒， 令人食到鱼嘅鲜甜美味， 以及柔滑细致嘅肉质。 另外亦加入咗银芽去炒， 喺鲜嫩嘅鱼肉入面加添咗一份爽脆嘅口感， 呢一道菜式鲜味十足， 令人一试难忘。
呢间中菜馆除咗有上海菜之外， 仲有惹味嘅川菜选择， 呢一道《水煮牛肉》 集麻、辣、香于一身。 牛肉鲜嫩， 热汤火辣辣， 有花椒八角等香料嘅香气， 里面仲有椰菜和宽粉等配菜， 果然到质素咁出色。
最后亦叫咗一客《擂沙汤丸》作甜品， 汤丸表面布满黄豆粉， 里面则是黑芝麻汤圆， 芝麻汤圆香浓亦唔会太甜， 馅料流心， 令人相当满足。
如此高质素嘅上海菜餐厅，难怪得到好多熟客嘅青睐， 喜欢苏杭菜嘅朋友绝不能错过。
张贴
