港原味 (已搬遷) 新店位置

坐位唔多，阔落，新净又干净，服务员态度正常有礼貌，香港人餐厅外墙用左落地玻璃，一目了然，唔入去都打到卡😂，设计几特别外面系现在，入面就系过去既香港，铺内墙身壁画全部都系香港嘅特色，好岩钟意打卡嘅你。常餐去茶记点少得茶记精选沙嗲牛肉公仔面，其实越简单嘅嘢越难有突破，呢度嘅沙嗲牛，绝对有水准！😋沙嗲汁够杰够香又唔辣，牛肉一啲都唔老，餐肉煎得够脆仲几厚切添，个汤底系非常浓嘅猪骨汤，一般茶记都系牛油方包，但依度有得拣两款酱，无咁单一，拣左厚切奶酱多，常餐当然要有火腿奄列，个奄列就正正常常咁啦！黑松露芝士鸡扒焗饭虽然外表冇乜特别，但食落有惊喜，一上枱已经有一股松露香，焗过嘅芝士够香口溶溶地咁捞饭一流！个人觉得焗饭一定要系炒饭底先够香口，依度唔系普通炒饭仲有大大块嘅炒蛋，大大提升左入口嘅口感就算多松露汁都无搞到啲饭软林林。鸡扒好大块，煎得外皮卜卜脆，内里肉汁丰富，绝对系诚意之作，如果你系焗饭迷一定爱上👍🏻👍🏻奶茶茶餐厅嘅灵魂梗系奶茶啦！点会唔叫，冻热都有叫，热嘅茶味浓厚，有奶香，可惜唔够滑，冻既糖浆重手左小小，味道偏甜，不过仍然饮到茶香，估计用既茶底应该唔差🤣依间新式茶记嘅常餐汤面配菜又叉烧又肥牛